الرئيسية
أحدث الصور
من طرف shabra 15th نوفمبر 2007, 11:35 amاحلى هدية لكل عروسين
يا عريس عروستك أمانة هتتسأل عنها
عرفها معنى الدين حفظها قرآنها
معنى العفاف والصون جوه الحجاب زانها
.مااحلى حياتكم سوا في ظل شرع الله
وابني معاها البيت عالتقوى والسنة
ده طريق ضمانه أكيد وأخرته الجنة
وافتكره مهما حييت هتعيش وتتهنى
وتنول رضا مولاك فوق اللي تتمناه
وحسن العشرة وصاك بيها رسول الله
عدل وصبر و شفقة ورحمة ولين وأناة
واللي بيعمل سنة سيده يقول يا هناه
جوة الجنة ويا صحابته هتتلقاه
واوعاك تيجي في يوم تسألها حقي فين
حقك دوا .. انت يا خويا جبته منين
ولا قريتلك آية وحكمة على حديثين
اسمع يا بني هي نصيحة اسمعها مني لوجه الله
اعمل واجبك وفر حبة بالمعروف
يوصل حقك , واكتر منه وبكره تشوف
وتبقى البصلة مادام بمحبة في عينكوا خروف
بيني وبينكم الحب الأصلي مادام في الله
وارضي حماتك تلقى مراتك ترضي أبوك
وارضي حماتك تلقى مراتك ترضي أبوك
واكرم أهلها تكرم أهلك واللي جابوك
اسمع يابني مادام حبيتهم هيحبوك
أصل الحب ده من اسلامنا اتعلمناه
وانت ياسيتي دولا وصايا خديهم ليكي
دينك قالك جوزك له ميت حق عليكي
كوني له عبدة ..يكون لك عبد ما بين ايديك
امال يعني وجودك له ده ايه معناه
خلي حياتك وقت لجوزك ولأولادك
خلي حياتك وقت لجوزك ولأولادك
واوعي تسمعي كل كلام يقولوه حسادك
بيتك هو يا بنتي جهادك واستشهادك
مهما قالوا ووجعوا دماغك بالمساواة
معلش .. يا أهل الفرح استحملوا شوية
ملحقتش أعمل زجل أصل الزجل غية
والوزن مني انكسر واللغو عامية
بس المعاني فيه يمكن تكون وزناه
مع تحياتى لكل العرسان
شبراااااااااااااااااااااا
