5 مشترك

بيني و بينك

DoNy: عضو مميز; عدد الرسائل : 233
تاريخ التسجيل : 28/04/2008

مساهمة رقم 1

بيني و بينك

مُساهمة من طرف DoNy 29th أبريل 2008, 1:18 am

(1)

بيني وبينك

..ليل ..وسفر ..وجروح ...

بيني و بينك ..مقفولة مسافات البوح

-وكأنك ..

مش مخلوقة من ضلعي المعووج

-و كأني مش فايت ..على ورد شفايفك .. إصحاحي ...

-وكأن فراقنا ..

من قبل ما نتقابل أنا وانتي

مكتوب ف "اللّوح" ...

(2)

بيني و بينك ..

قتَّال زلزال غربال الغربة ..و التغريب ..

وكأني - وانا اللي نسجت معاكي توب الشمس - غريب ..

-وكأنك ..ناي

وكأن الريح الهايج و المجنون ..

مسجون جواي ...

-و كأني تايه ف ضلوعك

-و كأن ف قلبك ..

سِت صوامع.. باقيين من يوسف

و عجاف شراييني ف هاجيكي ازاي ..؟

(3)

بيني و بينك ..

حُب حزين ..

زاد الطلق عليه فاتمخض ..

وولد بحر سعادة ..

كل العالم يشرب منه ..إلاي ..

و كأني مش المهدي اللي انتي بتستنيه لسنين ..

و كأن خلاص ..

بطل يخرج كل مساء من عيني أنبيا صالحين ...

(4)

بيني و بينك ..

نيجاتيف أحلام محروق ..

و طريق مخنوق ..

و كأنك ..

أول ليل
وكأني ...شــروق ...

تمت بحمد الله