الرئيسية
أحدث الصور
من طرف shabra 5th مارس 2008, 8:27 pmسيداتى انساتى سادتى احب اقدم لكم عرض سريع لبرامج وفقرات اليوم على شاشه القناه الاولى
* بعد العرض مباشرة بنلتقى بالحب والضياع والغيبويه والارهاب وده من خلال برنامج دوخينى يا لمونه
* الساعه واحدة المسلسل العربى ( يا حبيبى الشعر طلع فى ضهرى ) بطوله سنيه كبايه / ابراهيم شفشق / والممثل الكبير نبيل برطمان
ومن اخراج فاروق الصحن.
* الساعه 4 المسلسل الاجنبى الطويل الاهبل (i love you ladidy more) اى اهلا حبيبتى ديدى
والمسلسل عباره عن حلقات اشترناها من دمياط بسعر التكلفة
* النهاردة الاربع وكل يوم اربع بنشوف سهرة ممتعه مع مخترناش لك
وبنسمع المطرب الاسبانى المحبوب ( الريس متقال ) مع فرقه بلاليص ام اوفن
وبنسمع كمان موسيقى تقطع القلب من عازف العود ( سمير زعزوعة) وبع مايعزف هيعصروه ويطلعوا منه
عصير قصب ويدوا كل مشاهد سهران معانا كباية البرنامج من اعداد سمير ان كان عاجبكم ومن اخارج عمار ماشفش حاجة
اين تذهب هذا المساء:-
* خرمان فيلم يقدم الفيلم الذى هز ضمير العالم ( كارثه فوق الرصيف ) بطوله فتحى خليلى خمس / صابر عقب سيجارة
/ عبده صبارص / والطفل المعجزة الحاصل على جائزة نوبل للنشل السريع ابراهيم طروماى الفيلم من انتاج
حسين اجيب منين ومن اخراج المخرج القومى قومنى اعمل معروف
* معيكه فيلم يقدم فيلم ( ضربه موس ) اثارة قوة عنف بطولة شعبان المقريف/ ميمى اللبط / واراقصه العالميه فوزيه عكننتهم
بالاشتراك مع خليل شرح نفسه / سنيه يالهوى ضربه موس الاسبوع الالف بسينما ظفر من انتاج معيكه للبلاستيك .
* المسرح العائم على النظاميه يقدم المسرحيه الكوميدية ( انا هعيط ) عن قصه الكاتب الكبير توماسكو تصبحوا على خير
تدور احداثها عن شاب احب فتاه بنون فشدها من شعرها فى وسط الشارع وقعها على الارض قليل الادب المجرم
بطوله فتحيه مش هاسيبه/ فاروق الجدع/ سالم الحدق ولا حدق ولا حاجه تاليف عبده النصاب وخراج عاطف المنجد.
مطعم الجوع الكافر يقدم افخر الماكولات بمناسبه فصل الصيف والشتاء:-
* طبق مش بالكارى 49 جنيه
* طبق عدس بالبشاميل 6 ارغفه مخين بصل وجردل ميه 12 جنيه غير البقشيش
* طبق بتنجان اسود على دماغ اللى عمله مع حزمه فجل 16 جنيه
* قرص طعميه قبل الاكل وقرص بعد الاكل والاسعاف موجود قدام المطعم
مع تحيات المدير عباس الظالم.
اسعار النوم فى اوتيل ظفر للكوابيس:-
* تنام واقف 25 قرش
* تنام وشك متعرى 25 قرش
* تنام من غير غطى 45 قرش
* تنام عليك حيطه على حساب الاوتيل
مع ارق الامنيا بمشاهده ممتعه وسهرات سعيده
شـــــــــــــــــــــــــــــــــــــــــــــبرا
