احنا فى بلد ديمقراطية ;)

قولولي فين هو السلام

ايوه فعلا عبرنا القنال ايوه فعلا حاربنا ورفضنا الاستسلام

ودلوقتي بقى تمن دم الرجال

ورق ومضوه وعلم ورفعوه على حتة ارض والسلام

هو ده في نظرهم السلام اتفاقية صلح وقعها خسيس لرفع كلمة أللأم

فرحنا بصرخة صرخها لرد طابا للبلاد

ووالله ما شوفنا من ردها غير سلام ليهودي عايش فيها والاسم رجعت والسلام

قولولي فين هو السلام لما شاب ينتهي من إحباط الخناق

قولولي فين هو السلام لما بنت تفقد عذريتها لرفع معانات ضغط الأسعار

قولولي فين هو السلام ؟؟ فين هي القنال اللي نحتت بدم الرجال

فين هي بعد ما أممها لينا أسد الرجال ومن أموالها عمل لينا سد ملى الدنيا أنوار

قولولي فين هي أرباح القنال أوعوا تقولولي ضيعه في عمل كباري والسلام

يا عالم يا هووه قولولي فين هو السلام

قولولي فين دم الرجال

ايوه فعلا عايشين في سلام سلام من السلاح وسفك الدماء

لكن والله لسه برده في احتلال

يا رئسنا يا حلو أنا ستي اصغر منك وماتت من زمان

وأنت بنشوفك بتتعب وفجأة تظهر تشجع كوره وفرحان وكأنك فعلا عامل سلام

يا عم قولي فين بس هو السلام ؟؟ متعندش معايا وتقول أن في سلام

طب كان فين ده لما عسكرنا الحلوة ماتت على حدود البلاد برصاص غدر الاحتلال

يا عم هو ده برده اسمه سلام

متحلفش مصدقك أن في سلام بس قولي هتقول ايه لربنا على اللي بتسميه سلام

هتقوله المهم عندي بلدي تعيش في سلام

طيب هتقوله ايه على غدر الأمريكان وهتقول ايه على اللي بنشوفه بيتعمل في الأفغان

والا العراق والا فلسطين اللي من ظلمك لينا نستنا عروبتها من زمان والا غيرها والا غيرها

يا عم ارحمني وقولي فين هو السلام

يا عم ارحمنا من حكم التقرير اللي ظاظا فيها قال وصفانا حمير اللي يعلي صوته يبقى إرهابي

واللي ماشي في حاله حقير

يا عم ارحمني وقولي فين هو السلام

أنا هفضل أقولك لا وألف لا عمر مكان في سلام هقولها حتى لو كان تمنها الاعتقال