الرئيسية
أحدث الصور
من طرف HaMaDa 7th يوليو 2008, 2:31 pmمعلش يا جماعه هوه الموضوع النهارده مش عن الكوره العالميه
و لا اى كرة قدم خالص
بصراحه هوه عن التنس
لأنى بصراحه بعشق التنس
و التنس هوه حياتى اصلا
و بما ان فى بطل جديد صعب اوى انى احكى عنه حته لو كتبت من هنا لبكره عمرى ما هعرف اوصفلكو البطل ده
البطل ده شاب اسبانى عنده 22 سنه
المصنف التانى على العالم
طبعا كلنا عارفين المصنف الاول هوه السويسرى روجر فيدرير
البطل الاسبانى ده اسمه رفايل نادال او زى ما كل الناس بدلعه برافا
البطل ده لحد دلوقتى و تسمحولى اقول عليه بطل على طول و مش هغيرها لأنه بصراحه بطل
بطل لازم كل الناس تديله حقه
تخيلو رفايل نادال لحد دلوقتى فاز بخمس بطولات جراند سلام
و محطم الرقم القياسى بعدد الفوز ببطولة رولان جاروس بعدد الفوز المتتالى
اربع مرات متتاليه
و كمان هوه اول لاعب من اول مشاركه ليه فى بطولة رولان جاروس ياخد البطولة
من اول مشاركه انتو عارفين اصلا يعنى ايه لاعب تنس يكسب بطولة رولان جاروس
روجير فيدريرمصنف الاول عالميا من 4 سنين
دلوقتى مش عارف يكسب البطولة دى
بسبب رفايل نادال
فيدرير كسب كل حاجه بصراحه مفيش بطولة الا لما خدها ماعدا بطولة وحيده هيه بطولة رولان جاروس
و على فكره نهائى العام ده كان بين نادال و فيدرير للمرة التالته على التوالى
و برده نادال بيكسب
و كسبان بطل العالم يا جماعه فى مجموعه 6\0
انتو متخيلون ان حد يكسب بطل العالم فى نهائى بطولة 6\0
و نادال طبعا كسبان غير التالت نهائيات مع فيدرير كسبان كمان مرة السنه اللى قبلهم برده خدها من لاعب ارجنتينى
من فترة كانت بطولة ويمبلدون مقامه فى لندن
و على فكره النهائى كان امبارح
البطولة دى يا جماعه فيدرير محتكرها من خمس سنين
محدش عارف يخدها منه
و على فكره بطوله ويمبلدون تعتبر هيه اقدم بطولة تنس ظهرت على وجه الارض
و فيدرير كان النهائى العام الماضى و قبل الماضى
كان مع نادال و للأسف فيدرير كسب
معلش يا جماعه اصل انا نادال ده بصراحه حياتى
المهم
امبارح كان النهائى بين بطل العالم و المصنف الاول عالميا السويسرى روجير فيدرير و المصنف الثانى عالميا الماتادور الاسبانى رفايل نادال
نادل كسب اول مجموعتين
6\4 6\4
و المجموعه التالته كان 5\4 للاسف لفيدرير
و كان بجد فيدرير اعصابه باظت و كل الجمهور تخيل خلاص ان المباراة بتاعت نادال
و لكن للاسف حاجه مكنش حد يتوقعها تحصل المطر نزل على ارض الملعب
و طبعا المطش لازم يقف لحد ما المطر يقف
و يستكملو المبارة
طبعا ده مكانش فى مصلحه نادال خالص
بعد ما كان راكب المباراة و اى فرصه لكسرالارسال من فيدرير يكسب المباراة و البطولة
و لكن طبعا هطول المطر ادى فرصه لفيدرير انه يعيد تفكيرة و حساباته فى المباراة
و بعد ما المباراة استكملت
للأسف نادال خسر مجموعتين
بنتيجه 7\6 7\6
على فكره يا جماعه النتيجه دى للمجموعتين يعنى محدش عرف يكسر اراسال التانى و لعبه شوط كسر التعادل و للأسف كسب فيدرير فى المجموعتين دول بنفس الطريقه
و فى المجموعه الخامسه و الاخيره
و كانت النتيجه 2\2
و كطان بصراحه كل الظروف مهيئه لفيدرير انه يكسب المطش
و لكن المبارة بتقف تانى
و دى بقه كانت فى مصلحه نادال اللى عاد للمبارة بعد ما استكملت
و قدر انه يكسر ارسال بطل العالم السويسرى روجير فيدرير و يكسب المباره و يفوز ببطولة ويمبلدون لأول مره فى حياته
و يكسر القاعده اللى كان فيدرير عاملها للبطولة دى من خمس سنين
و على فكره المطش امبارح يا جماعه من غير توقفات المطر كان قرابه الخمس ساعات
هههههههههههههههههههههه
مبروووووووووووووووووووووك لأحسن لاعب تنس فى العالم الان و على مسئوليتى الشخصيه
الماتادور الاسباتى رفايل نادال
Rafael Nadal
اللاعب الاسبانى بعد بطولة دبى للتنس
اللاعب الاسبانى بعد بطولة رولان جاروس و اللى على اليمين ده فيدرير
هههههههههه
طبعا انا حكتلكو القصه كلها فوق و اللى متابع الصور بس ياريت يقرا اللى فوق هيعجبه على فكره
الصور دى بقه للماتادور الاسبانى رفائيل نادال بعد بطولة كأس ويمبلدون
الصورة دى نادال و كأس البطولة
مبرووووووووووووووووك يا نادال
عاشق نادال
HaMaDa™
