الرئيسية
أحدث الصور
من طرف سيف الله 11th مايو 2008, 3:06 pmالعنوان غريب أه ، بس ماكنش ينفع أحط عنوان للموضوع غير ده ، ده الأنسب فعلا
الموضوع ببساطه الناس اللى بتتكلم على الراجل الشرقى
يعنى أيه راجل شرقى ؟ وأمتى أحكم على إن الراجل ده شرقى ؟
هى ليها معانى كتير جدا عند كتير من الناس ، وبتختلف من شخص لأخر
دلوقتى مثلا الراجل اللى مايرضاش يكلم بنات فى جامعه أو فى شغله أو فى أى مكان بداعى أو من غير داعى يقوله واراجل شرقى
الراجل اللى مايرضاش يخلى أخته أو خطيبته تكلم ولاد فى الجامعه بداعى ومن غير داعى يقولوا عليه راجل شرقى
وأحب أوضح النقطه دى أكتر من كده
أنا مابعترضش على الزماله اللى بتكون فى نفس الكليه بحكم الدراسه المشتركه أو فى مكان الشغل الواحد
لكن برفض العلاقه اللى بتكون بين أى ولد وبنت من كليتين مختلفتين تحت مسمى الصداقه
لأن مابيكونش فى أى دوافع تربطهم ببعض أو تقّوم بينهم صداقه أو زماله
الراجل اللى مايحبش يشوف بنت متحرره وبتتكلم كتير وبتتعرف على ناس كتير ، يقولوا عليه راجل شرقى
الراجل اللى مايحبش طريقه معينه فى لبس البنات ، يقولوا عليه راجل شرقى
وحاجات تانيه كتير الناس بتشوفها غلط ويقولوا عليه ده راجل شرقى
الوصف إزداد أكتر وبقوا بيتهموا الراجل الشرقى بإنه متخلف ، وهوة سبب تأخر البلد
تقريبا كده أنا مابشوفش برنامج لهاله سرحان (وغيرها من البرامج ) غير لما تلمح ع الجزئيه دى
وبطريقه مباشره أو غير مباشره يتهموا الراجل الشرقى بالتخلف
ليه الرجل الشرقى متخلف ؟ أنا مش عارف
:
عموما لو المقاييس اللى انا قولتها دى هى مقاييس الراجل الشرقى ، ومن بعدها الراجل المتخلف
يبقا أنا فعلا أتمنى أكون راجل متخلف :
لإنى أنا متأكد إن المتخلف فى مجتمعنا ده هوة أعقل العاقلين
واخيرا وليس في حبي لكم اخر
اني احبكم جميعا في الله
سيف الله
