حب النت ميئوس منه

nancy-tamer كتب:

ازيكو يا شباب عاملين ايه؟

تمام تمام
النهارده انا معايا توبك مهم جداااااااااااااااا.

يا اهلا بالتوبيكات
بجد كلنا شايفين ده بيحب بنت عن طريق النت

ودي دايبه يا عيني في ولد وعرفته من النت

حقول ايه بس غير ربنا يهدي البشر.

ناو انا عندي اسئله بسيطه محيراني اوووي
اسألى


سؤالي للشاب

انت ناو حبيت البنت
نفرض انو حصل
وبعدين؟
ولا قابلين
حتروحلها كده وهيا في اخر الدنيا وتقول لاهلها جوزوني بنتكو اصلي اتعرفت عليها في النت؟
عادى لما اروح مش فيها حاجة يعنى
ولا حتعمل ايه؟
هاعمل صينيه بطاطس باللحمة
عاوزه الكل يجاوبني
انا جاوبت اهو
بجد موضوع مهم ونفسي اعرف ايه اخرت الحب ده؟
اخرة خير ان شاء الله دا لو موجود يعنى
حب ميؤوس منه ومعرفش له الشباب بيبتدوه وينهوه بجرح بعض.


ايه رأيكو وتعرفوا ناس مروا بتجربة حب عالنت؟!!؟
اه انا اعرف كتير هاحكيلك بقى

بصى يا نانسى كلام جد بقى زمان كدة كان فيه شات ( بدون ذكر اسماء ) كان الموضوع بتاع الحب والجواز دا فيه حاجة عاديه وتقريبا كل ايلى بيدخلوه كان علشان السبب دا بس طبعا مش حب ايلى هو حب يعنى لا حاجة اسمها مصالح كدة يعنى واحدة عايشة فى اوربا مثلا الولد يدخل يتعرف عليها هوب يحبوا بعض هوب يقولها عايز اتجوزك والبنت يا عينى غلبانه ماتعرفش انو عارفها علشان يتجوزها ويسافر فا ممكن دا السبب ايلى اغلب الولاد بتدور عليه مش كلهم على فكرة فيه وفيه وانا ليا اصحابى كتير عملوا كدة وسافروا ..
اما بقى لو جينا لحاجة تانيه بالنسبه للحب ايلى انتى بتتكلمى فيه فا دا اكيد موجود على النت لانو النت وسيله مثلا علشان يوصلوالبعض مثلا عندك لو حد من المحلة وحد من القاهرة بياخد النت دا وسيله انو يتكلم مع البنت دى وممكن جدا يتقدم ليها وفيه نوع تانى بيبقى واخدها تسالى عادى كدة اكنها لعبه او شويه لب بيتسلى بيهم بس لو جيتى للحق فيه ناس بتحب على النت وبردو انا اعرف ناس كدة وتقريبا ارتبطوا خلاص خطوبه وكدة

ياله بقى كفايه علشان مش اطول عليكم