صعبان عليا يا حرامي
يا متهان يا مذلول
مش بقلك روح اسرق
لا و الله دنا نفسي تتوب
بس الحكايه و ما فيها
انك غلبان و منكوب
لو فلحت و عرفت تسرق
هتروح فين من رب الكون
ولو معرفتش و مسكوك
مش هتهرب مالمكتوب
شرطه و نيابه و محاكم
وتاخدلك كام سنه معدوم
طب ليه دا كله يا ابني
عايز تاكل .. عايز تشرب ؟؟
شغل مخك يللا و فكر
فكر في شغله شريفه
يمكن الحظ يحالفك
فكر تكون محترم
يمكن تقدر .. راح تبدع
حاول في أي حاجه
غير سكة المشؤم
معلش عارفها صعبه
عارفك على أمرك مغلوب
بس هتعمل ايه
رب العرش موجود
قادر على كل ظالم
خلى الايدين تطول
قادر يرزقك و يعطيك
دا بيرزق النمله في جحرها
بس في رزقك متمهل
اكيد دي حكمة ربنا
دا بيمهل ولا يهمل
قول يارب و راح تفرج
ومتفكرش تمد ايدك
على رزق حد غلبان
زيه زيك محتاج
عارف ياواد يا حرامي
انا عارفك جواك مظبوط
بس النفس غلاطه
وشيطانك جواك شغال
وانت من ضعفك مسحوب
مسحوب ورا ابن الـ ....
معلش انتصر عليه و قوله
ربي و ربك موجود
هيرزقني و يعطيني
ومش محتاج اكون ملعون
ملعون من اهلي و من ناسي
عارفك ياواد يا حرامي
هتقدر عليه و على نفسك
وبكره تيجي تقولي
انا بزنس مان معقول
وانا بكره برده هقولك
شفت يا سعادة البيه
اهو .. احمد ربك و قوله
سامحيني يا رب .. وتوووووب
قوله خلاص يا حبيبي
اوعدك هكون معدول
وهكفر عن كل ذنوبي
وهدي الفقير معلوم
منا كنت زيه يا رب
لولا فضلك يا رحمان
احمدك .. الف حمد يا منان
ولو مسمعتش كلامي
ومصمم عالغلط يا حرامي
يبقى انت شيطان نفسك
وتستاهل اللي يجرالك
سواء في دنيا او في اخره
انت حرررررررررررررر
بس بكره اكيد هتندم
وانت شايف نار ربك
من غضبها قاعده تشعل
نار كبيره مش هزار
نار تقول هل من مزيد
مزيد منك و اللي زيك
مزيد من كل ندل جبان
مزيد من كل سارق محتال
مزيد من كل مجرم بطال
بكره تندم و تقول يا ريت
بس ساعتها ياريت مين
فات اوانك يا حبيبي
ما كان مالاول .. يللا يللا
على نار ربك للابد
عيشة الخلوووووووود
ماكان مالاول يا حرامي
بما انها بتتكلم عن السرقة والحرامية
فا هاقول مسروق
يووووة قصدى منقول