من مذكرات واحد

    شاطر
    avatar
    Sif
    المدير العام
    المدير العام

    . : Eshta
    ذكر
    العقرب عدد الرسائل : 1489
    العمر : 39
    العمل/الترفيه : Free
    المزاج : Zeft :D
    تاريخ التسجيل : 28/10/2007

    إعلان من مذكرات واحد

    مُساهمة من طرف Sif في 7th مارس 2008, 1:55 am

    كنت بأقوم م النوم علطول
    أدفن جوعي في صحن الفول
    أجري ورا الأتوبيس ييجي ساعة
    يحرقني أخينا بولاعة
    أفضل ساكت كاتم بؤي
    يمكن جنبي ألاقي الغول
    _
    *****
    _
    أما الغول ده حكايته حكايه
    علاماته بتنطق ف قفايا
    من كتر ما خدت ف قفايات
    قفاياتي بتحكيي حكايات
    ظلم و ضرب البني آدمين
    و كفاية يا لساني كفاية
    _
    *****
    _
    و في مرة و أنا ماشي ف حالي
    ألاقيلك الغول أهو جالي
    ليه ماشي في حالك يا أخينا
    و كمان بتحمّي السكينة
    ليلتك و الله ماهي فايتة
    و هناخدك في الحبس رهينة
    _
    *****
    عينك ما تشوف إلا النور
    و فضلت في الحبس شهور
    يمكن أعرف ايه مطلوب
    او حتى ايه المكتوب
    لكن بلدك فيها عجايب
    و العايش فيها مغلوب
    _
    _*****
    _
    و بعد شهور حبس و إهانة
    حدفوني برّه الزنزانة
    و قالولي معلش يا كابتن
    عارفين ان انتا هتجنن
    بس البيه الظابط حسّ
    انك تشبه لابن فلانة
    _
    *****
    _
    قمت سألت سعادة البيه
    ابن فلانة ده تهمته إيه
    قاللي ده واحد كاره مصر
    وبيشتم ف اصحاب القصر
    و عاملي فيها ارهابي
    و بيدّن لصلاة العصر
    _
    *****
    _
    قلت يا ناس للظلم حدود
    علاماته على جسمي شهود
    أنا هاشتم ف الريّسخانة
    و اصحابه بتوع السلخانة
    و فيك يا سعادة المأمور
    و دّيني تاني الزنزانة

    **********
    نرجع بينا لعم الغول
    اللي قاعدلي فيها علطول
    والمرّادي طالعلي يقول
    إن أنا قال إيه .. محظور
    _
    و في مرة راكب أتوبيس
    ألاقيلك من جنبي بوليس
    مسكوني و ودوني القسم
    و ألاقي في الحبس عريس
    _
    شاب يا عيني في عز شبابه
    و يادوب كاتب كتب كتابه
    قاموا خدوه من حضن عروسته
    و جابوه للحبس من بابه
    _
    انا و الله نسيت جيت ليه
    و قعدت مع الواد أواسيه
    قلت يا ناس و الله عجايب
    دي بلدنا مش بلد البيه
    _
    قمت قابلت سعادة الباشا
    و سألته أنا ليه محظور
    قاللي بتشتم في الامباشا
    و واخدلي القران دستور
    _
    أنا تنّحت في وشه دقايق
    مش عارف نايم و لا فايق
    من امتا القران كان ذنب
    و سعادتك طب ليه متضايق
    _
    قاللي أوامر عليا يا طور
    و أنا يا حمار عبد المأمور
    و اكتم أحسن انادي المخبر
    يديـلك خبطة بساطور
    _
    قلت يا باشا بلاش أنا ليه
    طب و الشاب ده تهمته إيه
    قاللي ده سارح و يّا عيال
    بيقولهم النبي قال ايه
    _
    قلت يا باشا صلي و سلم
    و اتتعلم ازاي تتكلم
    عن سيدك و سيد الأسياد
    ده رسولنا للكل مُعلم
    _
    قاللي بصوت عالي و فظيع
    انتا يا سافل هتعلمني
    طب ....................
    ..............................
    _
    ياريته شتمني و ضربني
    و قتلني حتى و جلدني
    إنما السافل ده أهانّي
    لما أهان رسول الله
    _
    أنا ما سكتّش و في لحظتها
    اديته من خير الله
    اقلام شلاليت و في حموتها
    اديته الختم على قفاه
    _
    بس و ما تشوفوا الا النور
    مسكوني البشوات بالدور
    و رموني على باب مستشفى
    يمكن أموت رسمي و أغور
    _
    هو سؤال فاضل يا جماعة
    مين إداهم حق الطاعة ؟
    مين اداله الفرصة يبرطم
    يشتم حتى رسول الله
    _
    قتل و نهب و سرقة يا ناس
    و القانون يحمي و يبارك
    كل ده مكتوب في الكراس


    منقول طبعا



    أعترف …
    أنك تختلفين عنهم…
    اختلاف الليل عن ظهر النهار …
    اختلاف الورد عن شجر الصبار …
    أعترف أيضاً … و أيضاً …
    أن حبك مغامرةٌ … كالقمار …
    وأن البعد عنكي أشبه بالانتحار …

    شيخ الشباب..
    avatar
    Magic
    المدير العام
    المدير العام

    ذكر
    عدد الرسائل : 789
    تاريخ التسجيل : 25/12/2007

    إعلان رد: من مذكرات واحد

    مُساهمة من طرف Magic في 7th مارس 2008, 9:40 am

    ايه دا يا ايمن ايه دخلك السكه دي يابني دنت كنت بتخاف ترود على مواضيعي
    جاي دلوقتي تجيب مواضيع بتحكي كل اللي بيحصل
    طب فكرت مين محظور ومخوفتش يجي عليك الدور
    من اتباع سنه لاخوان دنت يا صاحبي لعبت معاك بكتير
    عارف اللي انت عملته دا ايه والا مصيره هيطلع ايه بص وشوف بعنيك الاتنين



    يمكن بعد ما شوفت تفكر وتقول لا لا انا مش محظور
    سامعك سامعك بتقول لاء وبتصرخ بعلوا الصوت
    بتقول ايه دا الناس دول ايه هما فاكرنا عايشين فين
    بتقول والله ما هسكت لحظة ومن دلوقتي بقيت محظور
    وانا دلوقتي ليك راح اصقف وراح اخدك بالحضن يا صاحبي
    فيالا معايا أصرخ قول اخون سُنه دول أهل الدين
    اما حكامنا دي عالم ظالمه وهيموتوا مرتدين
    ويالا معايا يا احلى شله نرفع راية الأخوان

    avatar
    سيف الله
    عضو ذهبى
    عضو ذهبى

    ذكر
    العقرب عدد الرسائل : 853
    العمر : 45
    تاريخ التسجيل : 30/10/2007

    إعلان رد: من مذكرات واحد

    مُساهمة من طرف سيف الله في 7th مارس 2008, 11:54 am

    الله عليك يا ايمن نقل هايل بس صحيح لاء بجد انتا مش خايف ها في سرك قولي انا سامعك اهوه

    كلمات cheers سيف ومصحف يا اخوان لازم نشكي مهما صار وبعون الرب الجبار بعد الليل نهار


    لكن بصرف النظر عن اسم اي جماعه يا رجال القانون اتروكوا الدين لرجال الدين

    ولا انتم من حكم الله خيفين (( اللهم لا تؤخذنا بما فعل السفهاء منا )))


    مشكور ايمن علي نقل المذكرات
    avatar
    Sif
    المدير العام
    المدير العام

    . : Eshta
    ذكر
    العقرب عدد الرسائل : 1489
    العمر : 39
    العمل/الترفيه : Free
    المزاج : Zeft :D
    تاريخ التسجيل : 28/10/2007

    إعلان رد: من مذكرات واحد

    مُساهمة من طرف Sif في 29th أبريل 2008, 3:28 pm

    كلمات هاتحبسنا قصدى منور التوبيك

    ابو محمود ربنا يبارك فيك منور التوبيك



    أعترف …
    أنك تختلفين عنهم…
    اختلاف الليل عن ظهر النهار …
    اختلاف الورد عن شجر الصبار …
    أعترف أيضاً … و أيضاً …
    أن حبك مغامرةٌ … كالقمار …
    وأن البعد عنكي أشبه بالانتحار …

    شيخ الشباب..
    avatar
    Raul
    ادراة المنتدى
    ادراة المنتدى

    ذكر
    عدد الرسائل : 9950
    العمل/الترفيه : Veterinarian
    تاريخ التسجيل : 20/01/2008

    إعلان رد: من مذكرات واحد

    مُساهمة من طرف Raul في 22nd مايو 2008, 2:38 am

    موضوع هايل
    تسلم
    ايديك
    يا ايمن باشا

      الوقت/التاريخ الآن هو 24th نوفمبر 2017, 2:05 am