أريــــد حـــــل 00000؟

    شاطر
    avatar
    سيف الله
    عضو ذهبى
    عضو ذهبى

    ذكر
    العقرب عدد الرسائل : 853
    العمر : 45
    تاريخ التسجيل : 30/10/2007

    إعلان أريــــد حـــــل 00000؟

    مُساهمة من طرف سيف الله في 6th مارس 2008, 7:07 pm

    فاطمة بنت ناس
    يعنى أيه
    يعنى ناس كويسين
    برضه يعنى أيه
    يعنى ناس بيعرفوا يربوا بناتهم
    وماله
    فيه كتير زى فاطمة وكتير زى الناس دول
    عادى وطبيعى
    فاطمة عيب ماتكلميش ولاد.................حاضر
    فاطمة عيب ماتروحيش لصاحبتك هى اللى تجيلك....................حاضر
    فاطمة بلاش تلبسى كدة وألبسى كدة ...................... حاضر
    فاطمة عيب ....... فاطمة حرام .......... فاطمة مايصحش
    وفاطمة بتسمع الكلام
    فاطمة فضلت طول عمرها بتسمع الكلام
    مقتنعة...؟؟؟
    ممكن
    مجبورة...؟؟؟
    أكيد
    فاطمة حلوة وشها حلو وتقاطيعها مسمسة
    وجسمها خرطه خراط البنات
    فاطمة بنت مرغوبة..........
    عرسان أتقدموا من سن 15 سنة
    لكن أبوها عايز يعلمها
    فاطمة شاطرة فى الدراسة ومتفوقة
    بسم الله ماشاء الله ..........أدب وعلم وحلاوة
    فاطمة دخلت الجامعة
    كلية أيه ما يفرقش معانا
    فاطمة رايحة الجامعة ........... فاطمة راجعة من الجامعة
    أول سنة امتياز...........برافوووووووووووو
    وأول سنة أحمد فى السكة ظهر لها وحبها
    فاطمة اتلخبطت
    سمعت فى ودنها امها بتقولها لما جت تدخل الجامعة.......
    فاطمة انتى رايحة الجامعة تتعلمى مش تتجوزى.... لو على الجواز يابنتى كان زمانك معاكى عيال ..... أحنا عايزنك جامعية محترمة.....
    ماتكلميش ولاد .... ولا حد تسيبيه يكلمك ..... لا يقولك كشكولك ولا يقولك أعزمك ولا اوصلك....أوعى يابنتى
    فاطمة الأول سمعت الكلام وعقلته.....ومارضيتش تكلم أحمد
    بس أحمد ولد شاطر..........شعره عامله على الموضة ولبسه شيك وعنده عربية
    وبيعرف يتكلم حلوووووووووووووووووووووووووو
    بيعرف يرص الكلام ولا أجدع مهندس بيرص عواميد عمارة
    احمد فضل ورا فاطمة لغاية ما كلمته
    وفضل وراها لغاية ماأديته ريق حلو
    وفضل وراها لما أقنعها انه بيتغير علشانها
    وبيحضر المحاضرات علشانها
    وح ينجح السنة دى علشانها
    أحمد بيحب فاطمة
    وفاطمة مش عارفة هى بتحبه ولا بتحب حبه
    محدش قال لفاطمة اللى قاله أحمد
    وح تسمعه فين ماهى طول عمرها ماكلمتش حد غريب
    الأجازة جت وفاطمة فى البيت ............
    بتساعد مامتها وبتتفرج على التلفزيون وبتقرى و .............
    بتكلم أحمد على التليفون والنت
    السنة التانية جت وفاطمة من اوائل الدفعة لكن أحمد يادوب نجح بمادة
    أحمد فهم فاطمة أنه نجح علشانها والسنة الجاية ح ينجح بتفوق
    فاطمة أبتدى قلبها العبيط يتحرك ناحية أحمد و...............بتحبه
    أحمد عرف يلعب عليها لعبة الحب وقدر يقنعها بأنه يتجوزها
    طيب روح لبابا ياأحمد
    ماأقدرش دلوقتى لأنى مش جاهز
    طيب وانا أعمل أيه
    نتجوز دلوقتى مع بعض ولما نتخرج نعلن جوازنا
    عايزنى أتجوز فى السر
    وماله يافاطمة نتجوز احسن ماحد ياخدك منى
    لا ياأحمد اخاف
    وأحمد فضل يزن ويزن
    وخلصت السنة وفاطمة مش راضية وخايفة
    قلبها مع أحمد وبتحبه لكن ماتقدرش تعمل كدة
    وفى الصيف جه عريس ............ فاطمة جريت تعيط لأحمد وتقوله يتقدم لها
    لكن أحمد أتحجج بانه مش جاهز
    بالعافية فاطمة رفضت العريس وطلعت فيه العبر
    وجت سنة تالتة أول ماقابلها احمد قالها .............
    مش قولتلك لازم نحجز بعد بطل ماتطيرى منى
    ولقت زميلات كتير عاملين كدة
    فاطمة وافقت بعد ألحاح أنها تتجوز أحمد
    فاطمة بنت 18 سنة أتجوزت أحمد عرفى
    فاطمة وقعت ونهايتها معروفة
    فاطمة ضاعت وهى اللى ضيعت نفسها
    فاطمة فاقت بس بعد ماأحمد ادها سكة وهى بقت .............
    مدام
    فاطمة أتخرجت
    فاطمة كل عريس يجى لها ترفضه
    ماهى خايفة
    فاطمة غلطت
    غلطت غلط كبير قوى
    فاقت وحست بيه لما كبرت زيادة وعرفت قد أيه هى كانت عبيطة وغبية
    فاطمة تابت وانابت وعرفت الغلطة فين
    لكن فاطمة فى المجتمع مدام
    لاهى مطلقة ولا هى آنسة
    هى حاجة غريبة
    فاطمة بنت 20 سنة ضاعت خلاص؟
    مش من حقها تصلح غلطتها وتعيش حياتها بأى صورة
    فاطمة يقام عليها الحد وتترجم ولا تتجلد وتتنفى من الأرض
    فاطمة علمت أيه؟
    أتجوزت عرفى
    الله أتجوزت يعنى؟
    لا بس العرفى فى السر يبقى مش جواز
    وهى ايه اللى عرفها ده بنت 18 سنة
    أه هى غلطانة بس مش مسئولة
    أه هى تستحق ساعتها الدبح
    بس ياما ما بنغلط
    اه هى كانت مش كويسة
    بس فاقت وعرفت الغلطة وتابت
    المفروض يتعمل فيها أيه............حد يدبحها ولا تعمل هى أيه
    فاطمة فيه منها 4 مليون فاطمة فى مصر
    يعملوا أيه دول
    ياترى لو حد جه يخطب فاطمة فيكم وأعترفت له بده يقبل يتجوزها
    ياترى لو فاطمة دى أختك ولا بنتك ولا حتى قريبتك تقتلها ولا تعمل فيها أيه
    وياترى فاطمة أحسن لها تعمل عملية ترقيع والموضوع يخلص ولا أيه
    حد عنده حل لفاطمة..............؟؟؟؟؟؟؟؟؟؟؟؟؟
    [center]
    avatar
    Sif
    المدير العام
    المدير العام

    . : Eshta
    ذكر
    العقرب عدد الرسائل : 1489
    العمر : 39
    العمل/الترفيه : Free
    المزاج : Zeft :D
    تاريخ التسجيل : 28/10/2007

    إعلان رد: أريــــد حـــــل 00000؟

    مُساهمة من طرف Sif في 4th أبريل 2008, 9:14 pm

    هو بالنسبة لحل الموضوع فا انا مش عندى حل لكن انا مش هاقبل اتجوز واحدة زى فاطمة بس خلاص Smile



    أعترف …
    أنك تختلفين عنهم…
    اختلاف الليل عن ظهر النهار …
    اختلاف الورد عن شجر الصبار …
    أعترف أيضاً … و أيضاً …
    أن حبك مغامرةٌ … كالقمار …
    وأن البعد عنكي أشبه بالانتحار …

    شيخ الشباب..
    avatar
    MooN
    الادارة العامة
    الادارة العامة

    انثى
    عدد الرسائل : 2396
    تاريخ التسجيل : 13/11/2007

    إعلان رد: أريــــد حـــــل 00000؟

    مُساهمة من طرف MooN في 5th أبريل 2008, 1:37 pm

    طيب انا هاسالك سؤال يا استاذ سيف ؟؟؟؟
    ام فاطمه ممكن توافق على جواز اخو فاطمه لواحده زى فاطمه ؟؟؟؟
    scratch Rolling Eyes
    avatar
    Snow White
    عضو ماسى
    عضو ماسى

    انثى
    العقرب عدد الرسائل : 3211
    العمر : 30
    تاريخ التسجيل : 29/10/2007

    إعلان رد: أريــــد حـــــل 00000؟

    مُساهمة من طرف Snow White في 6th أبريل 2008, 6:43 pm

    ازيكم يا جماعة
    انا عندى رأى مخالف لكل الاراء اللى اتقالت
    وطبعا اختلاف الرأى لا يفسد للود قضية
    بس انا شايفه ان حكمكم قاسى اوى على فاطمه
    ونسيتوا انها ضحية
    وسايببن الجانى اللى هو احمد
    اللى فى منه كتير اوى من الشباب الغير مسئول
    والكل يشير للبنت بأصابع الاتهام
    انا معاكم انها غلطت
    بس لسه صغيرة
    ممكن محدش ووجها
    اسرتها هى اللى جنت عليها
    المفروض كانت والدتها اهتمت بيها اكتر من كده وصاحبتها وعرفت عنها كل حاجه
    اللى عملته فاطمه ده خطأ مجتمع بأكمله مش خطأ فاطمه لوحدها لازم نستقبلها بصدر رحب ونعيد ثقتها بالحياة
    لان اكيد فاطمه فقدت كل ثقتها فى البشر وفى الحياة
    وعلى الجانب الاخر
    تعالوا نشوف احمد
    عايش ميه ميه فى سهراته ولبسه الكاجول وشعره اللى بجيل
    والمجتمع كله بيعامله با حترام ومحدش يعرف اللى فيها
    وباعدين اللى ايده فى الميه مش زى الى ايده فى النار
    لو كنتوا فكرتوا كويس قبل حكمكم على فاطمه اعتقد ان الحكم ده كان هيتغير كتير
    ده حتى ربنا بيسامح
    احنا يا بشر الرحمه والتسامح فى قلبنا راح فينا
    وسهل اوى ان فاطمه كانت تخدع الناس كلها ومحدش يعرف حاجه
    ولكن علشان هى كويسه اعترفت بخطأها
    فا المفروض ما يكونش ده رد فعلنا
    ولكم منى كل التقدير والاحترام
    avatar
    Sif
    المدير العام
    المدير العام

    . : Eshta
    ذكر
    العقرب عدد الرسائل : 1489
    العمر : 39
    العمل/الترفيه : Free
    المزاج : Zeft :D
    تاريخ التسجيل : 28/10/2007

    إعلان رد: أريــــد حـــــل 00000؟

    مُساهمة من طرف Sif في 6th أبريل 2008, 8:14 pm

    فين غلطة الام ؟؟ ايلى بتقولى عليها
    سمعت فى ودنها امها بتقولها لما جت تدخل الجامعة.......
    فاطمة انتى رايحة الجامعة تتعلمى مش تتجوزى.... لو على الجواز يابنتى كان زمانك معاكى عيال ..... أحنا عايزنك جامعية محترمة.....
    ماتكلميش ولاد .... ولا حد تسيبيه يكلمك ..... لا يقولك كشكولك ولا يقولك أعزمك ولا اوصلك....أوعى يابنتى
    بيتها كله كان بيكلمها وبالرغم من دا كله بردو غلطت ويارت الغلط ايلى هو ينفع يتصلح او يتنسى دى هاتفضل طول حياتها تفتكر الغلط دا لو كان الغلط زى ما قولتى على احمد عندك حق . بس بردو الغلط الاكبر عليها هى مافيش حد بيعمل حاجة غصب عنه احمد عرض حاجة وقال نتجوز عرفى كان فى اديها كامل الحريه بالرفض الا اذا هى كانت حابه انها تعمل كدة احمد ولا قال ليها هاموتك لو مش وافقتى ولا قال ليها هاتدخلى النار لو مش وافقتى الغلط زى ماهو مع احمد كمان مع فاطمة . من الكلام ايلى اتكتب عن فاطمة انها تتميز بحاجات كتير زى انها جميله جدا لدرجة من وهى عندها 15 سنه بيتقدم ليها عرسان يعنى مش وحشة ولا بايرة علشان تعمل كدة . احمد غلطان وفاطمة اكتر منه بكتير فكرتينى بحد كان بيقول هاعمل ايلى انا عايزة ( انا راجل مش هايعيبنى حاجة ) لكن هى اكيد عابها حاجات وللاسف الحاجات دى مش هاتتصلح



    أعترف …
    أنك تختلفين عنهم…
    اختلاف الليل عن ظهر النهار …
    اختلاف الورد عن شجر الصبار …
    أعترف أيضاً … و أيضاً …
    أن حبك مغامرةٌ … كالقمار …
    وأن البعد عنكي أشبه بالانتحار …

    شيخ الشباب..
    avatar
    MooN
    الادارة العامة
    الادارة العامة

    انثى
    عدد الرسائل : 2396
    تاريخ التسجيل : 13/11/2007

    إعلان رد: أريــــد حـــــل 00000؟

    مُساهمة من طرف MooN في 6th أبريل 2008, 8:32 pm

    احنا نفكر فى المسأله علشان عندنا بنات وممكن تكون فاطمه دى اختك او بنتك او قريبتك وانسانه عزيزه عليك -
    ساعتها انت الى هتقنع الناس انها غلطه وان يكون الزاوج منها شى عادى
    avatar
    Snow White
    عضو ماسى
    عضو ماسى

    انثى
    العقرب عدد الرسائل : 3211
    العمر : 30
    تاريخ التسجيل : 29/10/2007

    إعلان رد: أريــــد حـــــل 00000؟

    مُساهمة من طرف Snow White في 6th أبريل 2008, 10:04 pm

    انا مش معاك خالص يا ايمن فى رأيك ده
    انت متحيز جدا
    وبدام بقى انا راجل مش يعيبنى حاجة
    يلا بقى كل الشباب تتجوز عرفى
    وخلاص بقى ما هى هيصه ومفيش حاجة تعيبكم
    تفضلوا ورا البنت وتقولولها هنبنبى بيتنا طوبه طوبه محدش ياخدك منى
    اه نبنى البيت طوبه طوبه بس قدام الناس فى العلن
    مش عرفى
    وباعدين امها اه اديت لفاطمة نصيحة
    بس يا ترى حاولت تصاحبها بعد النصيحة تعرف اخبارها؟
    هل استمرت فى تكرار النصيحة؟

    وبعدين احمد مش ضربها على اديها احمد عمل اكتر من كده
    سيطر على عقلها
    فاهم يعنى ايه حد يسيطر على عقل حد ويخيليه ينفذ كلامه
    avatar
    Sif
    المدير العام
    المدير العام

    . : Eshta
    ذكر
    العقرب عدد الرسائل : 1489
    العمر : 39
    العمل/الترفيه : Free
    المزاج : Zeft :D
    تاريخ التسجيل : 28/10/2007

    إعلان رد: أريــــد حـــــل 00000؟

    مُساهمة من طرف Sif في 6th أبريل 2008, 10:17 pm

    المفروض انها مش صغيره علشان بالسهل يسيطر على عقلها اصلو مش بيطلب منها رقم موبايلها دا طبي منها حاجة اكبر شويه . انا مش متحيز لحد انا قولت احمد غلطان وهى غلطانة مش معنى كدة انى بشجع ايلى زى احمد انهم يعملو كدة لا بالعكس بس بردو البنت ايلى ليها حريه الاختيار فى الاخر احمد مش هايمضى فاطمة على ورقه جواز عرفى وهو مكتفها لازم تمضى بأرادتها سواء بقى هو سيطر او مش سيطر المهم انها مضيت ووافقت



    أعترف …
    أنك تختلفين عنهم…
    اختلاف الليل عن ظهر النهار …
    اختلاف الورد عن شجر الصبار …
    أعترف أيضاً … و أيضاً …
    أن حبك مغامرةٌ … كالقمار …
    وأن البعد عنكي أشبه بالانتحار …

    شيخ الشباب..
    avatar
    MEHA
    عضو ذهبى
    عضو ذهبى

    انثى
    القوس عدد الرسائل : 605
    العمر : 28
    العمل/الترفيه : STUDENT
    المزاج : كل يوم بحالة ...جنان يعنى
    تاريخ التسجيل : 18/11/2007

    إعلان رد: أريــــد حـــــل 00000؟

    مُساهمة من طرف MEHA في 9th أبريل 2008, 8:00 am

    احم احم احم

    يا جماعة حرام عليكوا اوى كمان

    انتوا عمالين تقيموا الحد على الضحية وسايبين الجانى

    ربنا مش بيحب الظلم يا ايمن باشا و بيقبل التوبة

    ورأيك المتشدد بيشجع ملايين الكلاب الضالة والصاعرة على التمادى فى جشعها وجرائمها البشعة فى انتهاك حقوق البنات

    ثانيا بص لفاطمة دى اتربت الزاى فى نظر الشباب هى دى التربية المثالية

    لكن فى الوقت الحالى ايه الى حصلها نتيجة التربية المثلى الى انتوا شيفنها اصبحت فريسة لذئب بشرى

    ثالثا انت بتقول انها مش صغيرة لا دة صغيرة دى عمرها 18 سنة

    وبعدين فى الخطا الاكبر عند امها لا نها تلعب دور الناصحة دون ان نكون صديقة ودى جريمة اخرى وذنب اخر


    وعلى فكرة بقى لو فاطمة دى كانت بنت مش متربية بصراحة يعنى كانت عرفت تتعامل مع عم احمد دة


    حاسبوا سى احمد الاول وبعدين دوروا على فاطمة او على الاقل لو هتعاقبوا فاطمة عاقبوا احمد كمان بنفس العقاب
    avatar
    سيف الله
    عضو ذهبى
    عضو ذهبى

    ذكر
    العقرب عدد الرسائل : 853
    العمر : 45
    تاريخ التسجيل : 30/10/2007

    إعلان رد: أريــــد حـــــل 00000؟

    مُساهمة من طرف سيف الله في 9th أبريل 2008, 10:46 am

    السلام عليكم ورحمة الله

    انا حبيت اسمع الجميع بس انا لم اري حل ولكن الجميع تحليل
    فهل هناك حل؟
    طيب احاول وشرح ليكم الجواز العرف من ناحيه الشرع

    اولا شروط صحة الزواج
    1- القبول

    2- الاشهار

    3- الولي

    4- الاجل المسامي ودا مقدم المهر ومؤخر الطلاق

    الي اخره

    طيب نتكلم في اربع شروط دول الاول

    فيه قبول نعم فيه قبول طيب فيه اشهار طبعا لاء
    طيب هل للبنت كان ولي اثناء العقد طبعا لاء
    يعني اصبح العقد باطل
    لحديث سيدنا محمد صلي الله عليه وسلم
    لا تنكح المرأه الا بولي \ او كما قال صلي الله عليه وسلم
    طيب يا تري يا شباب فاطمه لو تقدمت بشكوي ضد احمد ده هل ليها اي حق في المحاكم

    هذا النوع من الزواج في نظري زنا مرخص يعني لا يعاقب عليه القانون لكن هو ليس زواج

    اما عن عقاب احمد فأكيد هيكون فيه عقاب في الدنيا وفي الاخره

    هتقولو ازاي طيب اسمع دي في الاخره

    ان الذين فتنوا المؤمنين والمؤمنات ثم لم يتوب فلهم عذاب جهنم ولهم عذاب الحريق

    صدق الله العظيم
    اما في الدنيا بقه

    نهيك عن حد الجلد المفروض يجلد مئه جلده امام الناس بس علشان احنا بلد ديمقراطي نسينا شرع الله

    لكن مش هيفلت من العقاب في الدنيا بردو

    شوف سيدك عمر بيقول ايه رضي الله عنه

    الزنا كالدين واجب الدفع تدفعه ابنتك اذا لم تدفعه . تدفعه زوجتك اذا لم تدفعه . تدفعه اختك اذا لم تدفعه . تدفعه امك

    ومازلت المشكله قائمه هل هناك حل لفاطمه
    avatar
    Magic
    المدير العام
    المدير العام

    ذكر
    عدد الرسائل : 789
    تاريخ التسجيل : 25/12/2007

    إعلان رد: أريــــد حـــــل 00000؟

    مُساهمة من طرف Magic في 9th أبريل 2008, 2:36 pm

    السلام عليكم

    جيت متأخر انا صح مش كده أنا أصلا مكنتش هاجي غير لما شوفت رد أيمن Smile هو اللي جبني

    أيمن انت جبت الغلط على الاتنين بس كان الحكم بتاعك على فاطمه

    ونسيت يا أيمن أن احمد ده هو انا وانت وهو وهو وهو احمد ده كل شباب العالم

    أنا مش بقول اننا مش كويسين لا أقصدني واقصدك وأقصد غيرك في حتة الأقناع والألحاح وأننا بنعرف نرص الكلام زي ما خالي قال

    خالي لما قال احمد مكنش يقصد أحمد بعينه لا دا يقصد كل الشباب اللي شغلتهم في الدنيا دي هي البنات

    سوري ايمن مش تزعل مني بس أنت أكتر واحد تعرفني وانا أكتر واحد اعرفك وكتييييير لعبنا ببنات وكنا بنقوم بدور الشيطان

    بأسلوب في غاية البراعه وللأسف يا أيمن لما كان قلبنا بيرهف بصدق كنا بنفوق على صدمه

    بأن البنت اللي حبيناها متفرقش كتير عن فاطمه وكتير بيبقى حبنا أعمى وبنحاول ننسى اللي عرفناه عنها

    لا كمان دحنا بنقنع نفسنا بحجات بيبقى متهيألنا أن الناس كلها هتقطنع بيها وبنبقى نسين أن ده رد للي عملناه في غرها

    فموضوع فاطمه ملوش اي حل عند حد حله الوحيد هو احمد هو الوحيد اللي عرف عنها انها كويسه

    وهو أول راجل في حياتها وهو برده الوحيد اللي عارف أنه أول راجل في حياتها

    منكرش ان قلوبنا معاها لكن محدش منا هيوافق انه يحاسب على حاجه عملها غيره محدش من الرجاله هيوافق انه يعيش في شك

    طول حياته أظن فاهمني يا ايمن وانت كمان يا خال كلنا عجينه واحده يمكن بتختلف الطباع لكن في المواقف دي

    كلنا بنكون دماغ واحده

    انا قلت اللي اعرفه ممكن اكون صبت أو اخطأت لكن هو ده اللي اعرفه عني وعن كل راجل اعرفه كلنا بنخاف من الشك

    لان أصعب حاجه عند الرجل هو الشك وده اللي اعرفه في الحياه

    لكن في حاجه أحنا يا شباب كلنا ناسينها أن اللي يستر حد في الدنيا ربنا بيستره دنيا واخره

    نصيحه للبنات أبعدو عن الشباب كلنا شياطين بصرف النظر في الاختلاف ان ده محترم وده مش محترم

    لكن كلنا بنضعف لشيطان نفسنا كلنا كدابين

    كلنا مش بنفكر غير في نفسنا

    واول ما بنغلط بنحمل غلطنا على اللي غلطنا معاها

    انا مش بقول ان الشباب كلهم وحشين وان انا ملاك لا كلنا طالما فكرنا اننا نعمل قصة حب بينا وبين اي بنت فده من الأساس

    غلط لكن الصح اللي المفروض اعمله انا وانت وانت وانت كلنا بمعنى اصح ان حسينا بشعور اننا حبينا انساسه

    الصح هو بيتها هو بباها بمعنى اصح منواعدهمش سراً وعلى حد ذكري ان في ايه في القرآن بتقول كده

    الموضوع يا خالي حاليا ملوش حل غير أحمد والحل الثاني اننا منكونش كلنا أحمد وفاطمه


    أطلت عليكم اكيد طبعا بس ياريت محدش يزعل من رآيي

    واكيد حد ليه رآي يخالف رآيي
    avatar
    سيف الله
    عضو ذهبى
    عضو ذهبى

    ذكر
    العقرب عدد الرسائل : 853
    العمر : 45
    تاريخ التسجيل : 30/10/2007

    إعلان رد: أريــــد حـــــل 00000؟

    مُساهمة من طرف سيف الله في 11th أبريل 2008, 6:34 pm

    طبعا انا بشكر كل اللي قال رأي في الموضوع
    موون
    ايمن

    سنوايت

    مها

    كلمات

    موون طبعا مستحيل ام فاطمه توافق علي زواج ابنه من فتاه زي فاطمه

    كلمات
    فعلا الحل في يد احمد لانه الوحيد الذي يعرف انه الاول في حياتها

    لكن 95 في المئه من الشباب لا يفضل الارتباط بفتاه لها ماضي

    يعني كانت علي علاقه بشاب قبله
    ولا يثق اي شاب في فتاه سلمته نفسها حتي ولو كان هو الاول سيكون الشك معهم دائما
    ام من المخطء قد يكون المجتمع قد يكون الاختلاط في الجامعات
    وقد وقد

    لكن لا تزال فاطمه تبحث عن حل

    فهل عندكم لها حل
    avatar
    koki
    عضو ماسى
    عضو ماسى

    انثى
    السرطان عدد الرسائل : 1858
    العمر : 30
    العمل/الترفيه : Easy
    المزاج : |͇̿A͇̿| |͇̿L͇̿| |͇̿o͇̿| |͇̿N͇̿| |͇̿e͇̿|
    تاريخ التسجيل : 29/10/2007

    إعلان رد: أريــــد حـــــل 00000؟

    مُساهمة من طرف koki في 25th أبريل 2008, 3:45 am

    [b]بصراحه مش عارفه اقول ايه بعد كل الكلام ده كلكم ممكن تكونوا صح وبردوا ممكن غلط في حاجات احمد في منه شباب كتير اوي مستهتر وواخد الحياه عادي وفاطمه كانت واخده الحياه بالتزام اوي واول ما فتحت فتحت علي الرابع زي ما بيقولوا كان سهل اوي تتفرج علي تلفزيون في حكايات كتير اوي كان ممكن تتعلم منها مش دايما كلنا امهاتنا مصاحبنا او لينا اصحاب اوي والزمن بتاعنا ده بصراحه معتقدش ان بقي فيه حد صغير من المشاكل وكل اللي بيحصلنا كل يوم .... ماشي كلنا موافقين ان الغلط علي فاطمه وعلي احمد بردوا بس السؤال لسه محير الجميع هل ممكن تتجوز حد ويسامحها معتقدش ان بقي في حد بيسامح حد او مش بيشك في حد كلنا بنشك في اقرب الناس لينا للاسف الغلط فينا ولا في الدنيا ولا في الناس مش عارفين مقدرش اقول لفاطمه غير ان ربنا معاكي لاني بنت زيك واحس بيكي اسفه طولت عليكم بس بجد مش عارفه فين الحل ؟؟؟؟؟؟ Question
    avatar
    dalo3a
    عضو ماسى
    عضو ماسى

    انثى
    الجوزاء عدد الرسائل : 1581
    العمر : 27
    تاريخ التسجيل : 15/04/2008

    إعلان رد: أريــــد حـــــل 00000؟

    مُساهمة من طرف dalo3a في 25th أبريل 2008, 11:24 am

    احسن شي تحكي لاهلهاواكيد اهلها مش حايدبحوها
    لزم ابوها يحكي لابو احمد يطلب منو يصلح غلطة ابنو وإذا مارضي
    يلجاو للقانون
    avatar
    MeKy
    عضو فعال
    عضو فعال

    عدد الرسائل : 198
    تاريخ التسجيل : 25/04/2008

    إعلان رد: أريــــد حـــــل 00000؟

    مُساهمة من طرف MeKy في 25th أبريل 2008, 8:16 pm

    السلام عليكم ع فكرة يا ايمن انت متحامل ع البنت اوى مهى ممكن متقلش لحد وتروح تعمل عملية وتتجوزها وتبقى فاكر انها البنت المغمضة اللى مفيش زيها وتقول انا ولد ميعبنيش حاجة اية المشكلة يعنى والبنت هتبقى بت مفيش زيها
    ولية طيب من الاول مامتها مش تفهمها وتقنعها بالكلام اللى بتقولة لكن كل كلامها حاضر ونعم وخلاص لازم البنت تفهم وتقتنع بالكلام وفيها اية لما الام تستجيب لما بنتها تحكلها ع حد زميلها بتحبو وتفهمها بدل ما البنت تبقى مش عارفة حد يوجهها
    وبالنسبة للبنت دى انا رايى لو اهلها متفاهمين تقلهم وهيفهموها وهيحلوا الموضوع ولو اهلها بقى كالعادة تروح تعمل عملية من غير محد يعرف وتتجوز عادى وامرها لله بقى هما اللى عاوزين كدب خلاص تكدب عليهم
    بس بردو المهم تتعلم من اللى حصلها
    avatar
    Sif
    المدير العام
    المدير العام

    . : Eshta
    ذكر
    العقرب عدد الرسائل : 1489
    العمر : 39
    العمل/الترفيه : Free
    المزاج : Zeft :D
    تاريخ التسجيل : 28/10/2007

    إعلان رد: أريــــد حـــــل 00000؟

    مُساهمة من طرف Sif في 25th أبريل 2008, 8:30 pm

    عليكم السلام اولا منورة المنتدى يا ميكى ثانيا انا مش بتحامل على البنت ولا بدافع عن الولد انا بقول زى اى شاب استحاله هايربط مستقبله بواحدة ليها ماضى بالاخص ماضى فاطمة انا قولت فى كلامى ان احمد غلط وفاطمة كمان غلطت انا مش بشجع الشباب انهم يعملوا زى احمد ولا حاجة انا كل الحكايه انى حطيت نفسى فى موقف ولقيت انى عمرى ما اقبل انى اتجوز واحدة زى فاطمة ودا كان كل ردى انما مش بتحامل عليها ولا حاجة

    دمتى بالخير ميكى
    كل الود



    أعترف …
    أنك تختلفين عنهم…
    اختلاف الليل عن ظهر النهار …
    اختلاف الورد عن شجر الصبار …
    أعترف أيضاً … و أيضاً …
    أن حبك مغامرةٌ … كالقمار …
    وأن البعد عنكي أشبه بالانتحار …

    شيخ الشباب..
    avatar
    MeKy
    عضو فعال
    عضو فعال

    عدد الرسائل : 198
    تاريخ التسجيل : 25/04/2008

    إعلان رد: أريــــد حـــــل 00000؟

    مُساهمة من طرف MeKy في 25th أبريل 2008, 8:36 pm

    وانت اية اللى هيعرفك ما اكيد اى بنت عارفة انك مش هتقبل ومش هتقلك ولا انت هتعرف وهتبقى اتحطيت فى الموقف غصب عنك وانت مش عارف هتبقى كدة عملت فرق برفضك؟؟؟؟؟؟؟؟؟؟؟
    avatar
    سيف الله
    عضو ذهبى
    عضو ذهبى

    ذكر
    العقرب عدد الرسائل : 853
    العمر : 45
    تاريخ التسجيل : 30/10/2007

    إعلان رد: أريــــد حـــــل 00000؟

    مُساهمة من طرف سيف الله في 26th أبريل 2008, 8:03 am

    كوكي
    دلوعة المنتدي
    ميكي

    انا طبعا بيسعدني لغة الحوار والموضوع فعلا يستاهل كلنا يقول رائيه بصراحه
    ايمن زي اي شاب بيرفض الارتباط باي فتاه تشبه فاطمه

    بس فاطمه مش فاطمه دي مليون او 5 مليون فاطمه في مصر واحمد مش شخص دا 4 او 6 مليون احمد
    سعيد بمروركم واسعد اكتر ان فيه لغه للحوار بينكم

    لكن حتي الان لم نجد حل لفاطمه

    فهل عندكم حل لفاطمه
    تلك هي المشكله
    وياتري لو فاطمه دي في بيتنا كن هنفكر ازاي

    وما زالتا فاطمه في انتظار الحل
    avatar
    Mony 19
    عضو مميز
    عضو مميز

    انثى
    الحمل عدد الرسائل : 273
    العمر : 28
    المزاج : رومانسية
    تاريخ التسجيل : 22/04/2008

    إعلان رد: أريــــد حـــــل 00000؟

    مُساهمة من طرف Mony 19 في 26th أبريل 2008, 2:23 pm

    بجد موضوع مهم جدااا جدااا جدااا
    طريقتك ف كتبته اخي سيف الله منسقه اووي

    بصراحة انا بجيب الغلط الاكبرع فاطمة اة احمد غلطان
    بس فاطمة غلطت اكتر لان مهما كان الانسان اللي قدامها
    ده ينفع تسلم ليها نفسها الا لو كان جوزهااا جوزها بعلم اهلها
    ممكن يكون الانسان اللي قدامها كويس وهيجوزها فعلا بس ايه اللي يضمنها
    ان ميحصلش حاجة ويتجوز الظروف مثلا ممكن اهلها مش يوافقوا مثلا
    لازم كل بنت تحافظ ع نفسهااا مهما كان مين قدامهااا وانا اعتقد مافيش ولد
    بيحب بنت بجد وبيحترمها وعايزها زوجته وام اولاده زيطلب منها حاجة مش منه حقه
    بدام مش مراته وكمان حاجة تغضب ربنا منه ومنهاااا ياريت كل بنت قبل ما تعلم كدااا تفكر ف نفسهااا
    واهلهااا قبل ما تعمل زي حاجة زي ديه لما يعارفواا ان بنتهم اللي مافيش زيهااا عملة كدااا
    وانا من ائي ان الاتنان يتعقبوا علشان يكونوا عبره لغيرهم واكيد فاطمة هتلاقي اللي يقدر محنتهااا
    لو مش حصل ليها نصيب مع حد يبقي ده نصيبهاااا وربنا يهدي الجميع

    ولك مني اخي سيف ود وتقدير
    تقبل مروري
    avatar
    سيف الله
    عضو ذهبى
    عضو ذهبى

    ذكر
    العقرب عدد الرسائل : 853
    العمر : 45
    تاريخ التسجيل : 30/10/2007

    إعلان رد: أريــــد حـــــل 00000؟

    مُساهمة من طرف سيف الله في 26th أبريل 2008, 2:38 pm

    بوسي يا احلي اخت

    طبعا الغلاط موجود علي احمد وكمان فاطمه

    بس يا تري السبب اهمال الاهل خطء في التربيه طيب مين السبب

    وكل خطء ليه حل يا تري عندك حل لفاطمه تلك هي المشكله

    ولا تزال فاطمه تريد حل

    فهل يوجد اصلا حل

      الوقت/التاريخ الآن هو 24th نوفمبر 2017, 2:05 am