الرئيسية
أحدث الصور
من طرف MooN 16th يوليو 2008, 12:42 pmالنهارده هقدم ليكم وصفه سهله جداااا ولذيذه فى نفس
الوقت وكلنا بنحبها كبار قبل الصغار
الارز باللبن والقشطه والمكسرات
ولو جربتيه هتلاقيه احلى من الجاهز واضمن
المقادير
-كيلو لبن جاموسى بفضله انا فى الوصفه او اى لبن متاح
-سكر حسب الرغبتك
-كيس فانيليااو نصف ملعقه صغيره
-فنجان ارز مصرى صغير
-5 ملاعق كبيره قشطه بلدى
- مكسرات زى ما تحبى او اللى موجود عندك
طريقه التحضير
نغسل الارز جيدا ثم نضعه على النار مع نصف كوب ماء
(ممكن نستغنى عن الخطوه دى بنقع الارز قبلها بنصف ساعه)
حتى يتشرب الارز مقدار الماء ثم نضيف اللبن
مع الاستمرار فى التقليب
نستمر فى التقليب بين وقت لاخر
(لازم متابعه مستمره حتى لا يفور اللبن ولعدم التصاق الارز)
بعد شويه هتلاقى ان اللبن بدا فى التكاثف من نشاء الارز فى الوقت ده نضيف السكر
والقشطه والفانيليا
(لم اضيف السكر من قبل لانه مع غليانه مع اللبن يصبح مايل للاصفرار)
حتى يصبح القوام متماسك نسكب الارز فى الاطباق المناسبه
ونتركه فى الثلاجه لمده 2 ساعتين حتى يصبح طعمه الذ
وبعدين نضيف له المكسرات
وبالهنا والشفا
